2

【最強聲波攻擊】靚聲《肥媽有話兒》呀~~~

2019-09-23

話說日前有人係街度播《肥媽有話兒》俾警察聽,唔知係咪感動得濟,班警察竟然退後: 耐人尋味! 不過今次主要係想介紹返,靚聲版《肥媽有話兒》!自從《肥媽有話兒》出左街之後,好多街坊都跟住唱,不過就好多人都話好難唱呀,好高音呀!大家最叻都係:呀~~~~~果句,之後都唱到扯晒蝦咁甚至無左聲⋯⋯ 但呢位絲打就勁啦,衛蘭咁既聲底,超好聽! 【係警面前唱】家庭不和 肥媽失控撼頭埋牆:呀~~~~

2

【清潔隊又黎啦】出街要小心 學定自衛踢袋袋!

2019-09-18

上星期又周圍有人搞事,仲要專搞後生,黎緊星期六,何議員又動員清潔香港啦,大家小心比班清潔龍掃到頭掃到腳 網上就流傳一段女生自衛術,教下大家當有人前或後攻擊你時,可以有D咩反擊,當然都唔係一學就識,但知下都好,總之就係專針對關節位、重心位、同袋袋位!男女都可以了解下: 唔知星期六會唔會出現好多香港新品種:獅鳥 呢 女生同左膠們記得,見到有社區球場進行中就唔好行近啦,遠觀好啦!不要妨礙賽事進行! 又,今晚有人話去馬場賀下何議員隻馬出賽,馬會話如果場外有逾三百人聚集就停賽,其實等入場馬迷都唔止三百啦,咪即係停硬? 【13妹亮刀?】連阿嬸都拎把老牛出嚟啦!

3

【係警面前唱】家庭不和 肥媽失控撼頭埋牆:呀~~~~

2019-09-17

深得建制歡迎嘅重量級歌手—「肥媽」Maria Cordero,多次為建制活動站企同表現,七月已表示因為家人咩政見都有而經常出現吵架場面令佢心痛,近日肥媽再表示,因為老公病重兼家人再次因為政見問題而嘈到停唔到,最終搞到自己情緒失控撼頭埋牆,而唔知點解,肥媽係後腦撼頭埋牆而起腫起左?!!(小編淨係電影見過雙手被病人衫縛起既人會向後撞腦) 而近日由編民改編嘅《肥媽有話兒》更瘋摩社會運動人士,更有走到警察面前唱起上黎,令人覺得肥媽與我們同在: 網民剪接版: 肥媽同步剪接版: 阿SIR都係好好既表演嘉賓: 【唔好傳呀】有兩條片流出,充實內容足夠令人變顏色?

2

【被出碟啦】網民又黎料:國貨城光復精選大碟!

2019-09-17

城城落完區,人氣再度急升,好耐無係香港出碟出歌既城城,突然「被出碟」:國貨城2019光復精選大碟已經推出,收錄精選歌曲包括: 《勇者歌》,《狂武之城》,《鐵路困惑》,《PoPo失憶諒解備忘錄》,《棍的呼喚》,實有一首岩你聽!不得了,把聲似到呀! 你會再次被城城迷到嗎?今次被網民形容為「買包尿片,岀左隻碟」! 詞:一眾改詞人 梁栢堅及 二次音樂 MV製作:晴天林 Sunny Lam 【城城再起風雲】先揸限量跑車落區 再跳新編baby shark!

70420255_1701533436646599_8330295675698806784_n

【13妹亮刀?】連阿嬸都拎把老牛出嚟啦!

2019-09-16

星期六日烽煙四起,已變成香港日常!唔知同何妖號召所謂嘅清潔隊有無關,近日社區衝突升溫,人人正義撚上身!引晒各路人馬出黎! 就好似琴晚你沙田新城市,就出現左一位好似有朵既女人,人地唱歌佢去影人大頭,人地圍佢佢CALL馬出黎,一個手執老牛,一個手執棍狀物,係度兇市民,結果係揮都無揮老牛就走人⋯⋯ 近鏡,阿姐幾有殺氣! 車牌影晒,話咁快被人起左底啦: 信不信由你啦:專溝D靚仔跟住上完床屈人錢! 小編覺得流流地! 而架車就被發現泊左係梨木樹果邊⋯⋯ 【唔好傳呀】有兩條片流出,充實內容足夠令人變顏色?

1

【又有天王出聲】黎明中秋來到預告遲D有野搞?

2019-09-13

城城上星期落區受到萬人愛戴,今個星期就到另一個天王-黎明,嚮遍全地!黎明仲親中秋節出POST賀下大家添 黎明來到同大家講,萬聖節有野搞呀! 順手重溫一下黎天王當年嘅舞姿 【城城再起風雲】先揸限量跑車落區 再跳新編baby shark!

6

【唔好傳呀】有兩條片流出,充實內容足夠令人變顏色?

2019-09-12

各區大合唱,大家都覺得,個社區好溫暖呀!不過唱完歌,又係社交媒體見到兩條片,片名唔知,但小編會叫佢地做「jm9」! 如果大家理解唔到兩派陣營嘅差距,其實睇下呢兩條片可能會明D!「車,每邊都有D傻人家啦!」係呀,同中國人一樣,仆街比例高D姐!嗯嗯,欣賞下囉!先有阿SIR舞警棍: 阿SIR講野你要聽! 加埋effect真係GOOD FIT!超英呀!唔好俾佢停呀! 第二條就係勁舞哥!原來鐵路警區聚會表演質素係咁樣樣,記得睇到最後,佢最後究竟做乜野? 真係唱既投入,聽既陶醉呀!就係_ _ _ _坐埋一枱呀! 【佢痴咗線呀】深水埗激光SHOW 阿SIR開咪「大聲D」

5

【 亲~加油呗】 內地人贈700盒月餅予香港警察 食啦你哋!

2019-09-12

一年一度中秋節,就梗係要玩月餅食燈籠啦!大家本來應該開開心心過下節,同家人團圓一下,不過社會又好多白色恐怖,返學又驚被人篤,出街又驚被人扑!最慘係班警察呀,無啦啦休班都仲要有枝警棍係身,真係24小時ONCALL呀!有見及此,有班好關心香港警察既內地人,就送上關懷,準備左700盒月餅送比警察,等佢地唔洗驚食食下月餅食到其他料卦! 搵到光頭槍手劉SIR!呀 好多內地人支持香港警察喎,唔知佢地又有無支持下內地公安武警城管呢? 仲以為愛國買國貨添,又係買美心嘅,無乜誠意囉! 「香港警察有能力處理這些暴徒,只恨他們也是中國人,打不是,不打也不是!真的很心痛! 」央視新聞新媒體推出《主播說聯播》,主播海霞周三(7日)在節目中說:「這是香港光頭警長劉Sir的一段話,讓人心痛!劉Sir,我們挺你!」 我挺你呀! 【有字幕都唔明】支持者質素?入警署支持IVAN?

1

【錢我大L把】搭鐵見到有人捉跳閘 該如何自處?讚揚系列

2019-09-11

一邊掀起不合作運動,一邊加多打擊行動!港鐵跳閘時事日漸多係上黎,你唔敢跳,但如果見到有人跳又被人捉到,自己又心心不憤想幫手,可以點?小編見到兩個CASE都幾好,同大家分享下,第一個係霸氣哥:係咪捉跳閘?我幫佢比5舊!錢我大L把! 第一次覺得「錢我大L把」係咁好聽!霸氣哥請受小編一拜!保護後生靠大家! 第二位霸氣姐,索性吊爆個港鐵職員: 覺得個職員好無辜?小編又真心唔覺,當港鐵鍾意又封下站、封下線、淨係載公職人員開始,我都唔明點解仲可以年年加價,仲未計佢D基建嘥左我地幾多錢?職員,你職員黎家渣,你覺得你公司做得好好咩?洗唔洗咁惡同咁串呀,身份證!你當自己真係狗呀?要追數呀?洗唔洗一定要捉人呀? 公義同工作,係絕對要分開!

6

【曝露鳥】阿叔露體喎!唔知警方最新嘅篤灰熱線受唔受理呢?

2019-09-10

話說,今朝有一位中年阿叔係大埔大元邨,向在場學生除褲露鳥⋯⋯而根本近日嘅經驗話比大家聽,呢位阿叔係唔會有任何後果要承擔嘅,當當街割傷人、斬傷人都無事嘅時候,小編唔信單憑呢個阿叔露一露要搵嘅小小鳥就需要負刑責!!! 跟手,下午曾有世界最優秀警隊既香港警方推出10條反暴力報料熱線 警隊話新增熱線並不是全新的做法,警方自50年代起已經提供999緊急報案熱線,到近年成立電子報案室,以上措施是為了方便市民從不同渠道報案。警方表示,新增的熱線號碼由55669500起10個號碼至尾數09。熱線不會接聽任何來電和一般報案,亦不會主動以短訊向舉報者交代案情。 暴力就即時發生既野,呢十條只收whatsapp不接電話又唔會即時處理到暴力事件既熱線,除左淨係篤灰用都唔知有咩用!仲要警方收晒料之後,唔會話你知佢跟唔跟,即係佢揀啦!結果好明顯啦! 不如大家都試下腥大埔露鳥叔上去睇下效果點,咁黃咁暴力! 同埋,唔好諗住用黎報警方濫用暴力啦,你睇下呢個阿SIR點講: 【hit and run?】警車撞到人 警察就咁放佢走先?    

5

【城城再起風雲】先揸限量跑車落區 再跳新編baby shark!

2019-09-10

本來娛樂圈呢排都無乜好講,不過岩岩果個星期日,就因為天王郭富城揸住佢架炭黑色林寶堅尼跑車現身灣仔,市民見到全身黑衫加黑色車既郭富城都忍唔住上前影相! 郭富城表示:「我買尿片畀個囡。」 以為就咁告一段落呢?你錯啦!天王又點會被你估得到!事隔幾日,係星期二晚,城城係社交媒體UPDATE啦!原來城城受邀參與創作Aaron Style 《Baby Shark Dance Challenge教學短片》: 應該認得D舞步啦,有《對你愛不完》和《唱這歌》家!原來城城仲做埋PINKFONG首位登陸其官方網站的藝人! 同市民一齊跳啦 【跳唱跑全能】黃大仙街坊從未令人失望!  

3

【權貴講野】一個話後生free sex 一個呼籲執政者對後生網開一面!

2019-09-09

風風雨雨,一早聽到有權貴係電台用英文話,聽到朋友講朋友個朋友個乖乖女為社會運動獻身,做左義士免費洩慾天使!仲話呢個聽上聽既消息,唔係假野(?)流言非假,嗯嗯嗯!小編好奇,後生仔唔收錢上街你唔信,但後生女唔收錢被人上,你又信?定係你慣左被人上要收錢?whatever啦,小編都聽朋友講過,某前女高官都經常為同袍提供性服務⋯⋯有圖添: 作為行會成員,可以將聽上聽上既野,經由大氣電波咁樣講出黎,其實有無用腦?當電台主持追問時,佢又話「如果你想相信就相信,如果你不想信就不要信,這個個案不是重點,不要再繼續談論了」你玩晒啦 (新聞) 至於女權貴果個聽上聽上聽既內容,有人搵過,發現係: 原POST 在此 另一個大家更家關注既權貴,誠哥,日前出席慈山寺出席活動時就話「香港好多年好多年,除咗二次大戰之後,我認為呢次係最大衝擊,繼續落去非常唔好,希望香港人渡過呢個難關,希望年輕人能體諒大局,執政者亦都能對未來主人翁網開一面,雖然法律與人情有衝突,但政治上任何事,雙方都要為對方諗一諗,然後才能大事化小。」 #黃台之瓜何堪再摘 大家都有上流社會,思想同胸襟差咁遠既⋯⋯    

2

【俾你學邊個先】小春生同防暴跳閘過你睇 你點睇?!

2019-09-09

跳閘,呢排大家都心郁郁呀!不過跳閘都要技巧,唔係你話跳呀跳家,今日就由小春哥示範一下: 睇完政協春當年既英姿,當然要睇下我地既專業又克制既警察哥哥做示範: 俾我就兩個都唔學,一來跳閘係唔岩家,二來唔好學呀一陣仆街呀,小心呀! 【博士級認證】葛博士怒指外藉速龍係外國勢力!!

2

【跳唱跑全能】黃大仙街坊從未令人失望!

2019-08-28

多區持續發起民間運動,每晚都睇下邊區會出現對峙情況,而當中尤以深水埗同黃大仙最為熱門,兩區街坊不時都會落自己樓下行下(其實好正常),而警方就會派成村包到實既警員準備睇街坊行街(其他區唔見晒巡警)!而黃大仙街坊就一於全民運動來回應警方佈防,包括側跑+火影跑拍攝警方英姿: 據知,呢位黃大仙軒仔最後安全撤退: 在 Instagram 查看這則貼文 大家放心,黃大仙軒仔最後安全撤退👌🏼 #讀者投稿 H香NG K港NG Political Memes🇭🇰(@hkpoliticalmemes)分享的貼文 於 PDT 2019 年 8月 月 27 日 下午 8:10 張貼 仲有兩位少女係商場內以舞回應商場外既警員: 當然唔少得大家都好想拎到聲帶家,姨姨佛偈式淨化音波功: 仲有仿效HAPPY伯既舞姿!…

2

【博士級認證】葛博士怒指外藉速龍係外國勢力!!

2019-08-27

社會運動持續,兩派都冷氣軍師負責不停捉鬼,今次就係博士級數嘅葛珮帆議員出手,指一位由頭包到落腳,無編號無任何識別、兼一口流利英文既⋯⋯黑衣人?係外國勢力,仲見到呢名外國勢力同泛民議員陳志全、泛民人士快必有問有答有指示,十足指揮一樣: 但原來,呢位係警方既速龍隊伍嘅外藉警員⋯⋯當堂嚇到葛博士delete post!不過意POST就一早被人CAP底、錄底啦博士! 係咪呢,包到連自己人都唔認得係邊個啦!定因為講英文就一定係外國勢力呢?真係要問下博士點樣分! 【業界翹楚】內地執法人員疑似仿效香港警察:蒙面執勤!

1 2 3 4 148