【菊花必須收放自如】即使絞腸痧見到廁所都要夾緊菊花!

日本周圍都好方便,就算人有三急都唔怕,因為方便到就連便利店都會有廁所可以借用。 不過今次呢間Daily Yamazaki 嘅便利店就真係有苦自己知啦…   通常香港嘅公廁見都係打油詩或者外賣雞熱線,呢位日本網友就正正係大阪某間Daily Yamazaki嘅廁所發現一封「請求信」 內文就係話最近有客人使用廁所大便時發出「劈哩啪啦」嘅聲… (註: 呢個形容係十分之有畫面,完全知道當時係幾咁順快) 不過就正正係因為呢個聲響而導致係便利店買嘢嘅客人有一種唔好嘅經歷。 所以懇請客人使用廁所大便時收細音量。 大家都知道有一萬隻大笨象係肚入面狂奔時真係控制唔到,莫講話象蹄嘅聲量,就連想佢地跑慢啲都控制唔到。 今次真係冤枉呀包大人!呢封信一出引發咗唔少網民嘅討論。 亦有日本網民同小編同一個諗法,與其叫人大便時要細聲啲,不如整返個「音姬」啦! 呢個設備就係怕大家如廁時尷尬,播吓啲流水聲/唔同嘅背景音樂嚟蓋過原本嘅聲音。 via @monster_s15 【勁過除褲放屁】今次喺澳門 :咦?塊廁板做乜黐喺地下?