【窩心一幕】英格蘭列陣出場 點解隊長讓頭位比前鋒行先?

喺啱啱果場英格蘭對立陶宛嘅世界盃歐洲區外圍賽F組主場,由再次入選英格蘭國家隊,33歲嘅前鋒迪科爾(Jermain Defoe)大阿哥,率領「三獅兵團」以2比0力克立陶宛,全取3分。而除了球場上贏得光彩外,原來係開場之前,亦都出現了一個窩心瞬間!列陣出場前,因為一名小球迷Bradley ,英格蘭隊長赫特特意讓迪科爾與Bradley 率先進場,場面溫馨可愛,至於點解一陣話你知:

原來只得5歲嘅Bradley,身患非常罕見嘅癌症名為神經母細胞瘤,據聞今次已經係第2次復發,病情已經進入晚期,而喺賽後一日,Bradley將會接受新一輪治療,而新特蘭球員之中,Bradley最鍾意嘅球員就係Defoe。

據知,Defoe係早前一次去醫院探病活動,認識到呢位5歲小朋友,而上月Bradley亦曾以球僮身份同Defoe喺新特蘭嘅比賽帶隊入場。今次Bradley帶隊入場一刻,喺溫布萊嘅掌聲雷動,就連Bradley小朋友都要用雙手掩住耳仔,不過得到全場球迷嘅祝福,希望Bradley嘅病況都可以有奇迹啦!

via England football team

延伸閱讀:

【噏乜春嘢呀?】古天樂 特色普通話精選輯 現已上市!

louiskoo

【大義凜然】法官尋求協助 小朋友決定罰佢老豆款!

ccc