【嚇死人】小學生失太平門跌出嚟?!校長:純屬意外

今朝一早就有條驚人片段係網絡瘋傳,因為係一架校車尾突然跌左個學生出黎:

好彩當時路面少車,後車車迅亦唔快,而學生又好好彩有個書包墊一墊個頭落地,先不幸中大幸可以立即起返身!現場真無驚險到呀!

據報道,事發係12月4日,當日下午約4時放學時間,架保母車在港島太古城道燈位右轉往英皇道,之後無耐就發生驚人一幕!有關小學已跟進情況,受傷學生有送院,副校長亦到醫院探望傷者,幸傷者僅輕微擦傷,「好感恩,冇大礙」,警方對學校表示,司機酒精呼氣測試無問題,保母車的太平門亦無問題,保母車無超載,亦無改裝,據保母當日描述,「小朋友揹住書包,坐近太平門側邊位,他當時就落車,喺走廊又企起身又坐低咁,書包撠住太平門嘅手柄,一上一落道門就鬆咗。」受傷學生屬高年級,校長強調事件純屬意外,「一定唔係小朋友曳,唔係佢百厭,唔係佢亂攪,係意外。」

所以呢,坐咩車都好,行車期間坐定定啦,唔好起身行黎行去!呢位小學生真係大命呀!