【咪令人失望】光頭警長劉SIR:將送子女上深圳讀書!

不到長城非好漢!劉SIR你就唔岩啦,幾廿歲都未去過長城,唔通係香港當差連去北京旅行都成問題?定係掛住去其他國家多呀?

日前受邀上北京賀國慶嘅「光頭警長」劉澤基,日前接受內地媒體訪問,佢表示今次訪京有兩個期望,一是觀賞國慶閱兵,看坦克及火箭等,另一個是去長城參觀。估唔到作為人民英雄嘅佢,幾廿年人都未去過長城⋯⋯

劉SIR又提到而家一家四口住喺約700多呎嘅警察宿舍單位,但好慘慘豬咁連梳化都無,只有畀兩個讀小學仔女坐嘅小板櫈,形容佢屋企佈置非常儉樸。真係聽到內地人民心痛呀,七百呎既單位,係大陸真係少見!

自稱係「劉備後裔」嘅劉SIR,仲話已經嚮應立法會議員何君堯呼籲,會送對仔女上深圳讀書,兩公婆遲下會去睇吓國際學校,指港教育出現大問題。之前都有消息指,佢太太有係深圳睇樓!

劉SIR記得要快快實行呀,14億人民撐你同等你呀!擁抱大灣區呀!