【同的士跳查查】正氣七人車霸氣迫退逆線的士!

近來都發生好多逆線行車事件,但往往都係睇住佢地ON居居咁駛過就算,今次就有人影到,有逆線的士遇上據理力爭七人車,誓要還我正常道路使用權!

據知事件發生係北角屈臣道,一架唔知咩事逆線行駛的紅的迎頭遇上一部白色七人車,七人車司機未有理會對方,繼續向前行駛,的士司機節節敗退倒車,最後重回正確的行車線。