【老公出場】藍衫大媽街頭再戰青年情侶 轉身突擊女途人!

呢兩日被疑似藍絲大媽大鬧醫院一條片,瘋傳網絡!但因為兩位小朋友,小編就唔POST果條片出黎啦,總之都係果D,無啦啦指住人黎鬧,好大聲咁話人地係醫院嘈滋擾到人,但最嘈最嚇親人就係佢自己⋯⋯同個女!仲嚇到自己另一個女喊晒,阿女已經係截佢地,但真係阻唔到!

好啦,但今日係睇另一組條,係第二朝係灣仔發生嘅事,有目擊者表示,佢一見到已經係藍衫大媽兇緊對年青男女(即係鏡頭一開始見到逼埋牆嗰兩位),大約聽到係話個男仔對佢唔禮貌,而個男仔已經報咗警。目擊者表示理解唔到個女人講乜嘢,雖然佢講得非常大聲,而對年青男女一直同佢講道理,聲線比較平和,所以都唔係聽得好清楚。突然間,個女人突然衝向白衫米色褲嗰位女士,並將佢推跌!目擊者表示大媽周圍有幾個貌似道友既阿叔係度睇住佢⋯⋯

而呢條片就係由有幫手拉走個藍衫大媽的青年所拍,佢亦有用英文同隔離個女仔講之前係醫院發生咩事,從片中聽到個阿叔話係大媽老公:

而另一條片,就睇到個青年點樣救白衫女子,並被大媽捉住手:

有指涉事既事主已經報警⋯⋯

螢幕快照 2019-07-17 下午3.00.10

67231283_604874879919410_3918514353103437824_o

究竟大媽咩事要日日都針對青年男女、大媽係咪需要睇醫生?大媽係咪無食藥?唔知⋯⋯而係醫院既前傳大家自己搵啦!