【誰惡】坐過龍無落車 激動阿伯係咁問候車長老母

「司機唔識通靈,落車請按鈐」

其實真係唔係講笑,有時無人撳鐘,個站又無人,巴士就飛站家啦!落車要提早撳鐘是常識吧?不過係長者世界,可能係無呢種常識!前排就有一名伯伯,懷疑因為巴士嘅報站系統故障而「坐過龍」,之後仲大發雷霆,出晒粗口鬧車長同職員:

原來阿伯係凌晨搭車,想去彩雲邨,但因為報站系統故障,阿伯唔知落車,就跟車返到油塘總站,到站後就係咁鬧人啦!情緒非常激動嘅阿伯仲自稱做過警察(唔知關咩事),又係咁問候人媽媽,不過車長同職員就好高EQ無被辣著!有無人數到阿伯問候左人地媽媽幾多次?