【真武者】醉漢夜襲連儂牆 黑帶義工以身擋拳不還手

連儂牆湧現各區同時,亦出現了不少人指責連儂牆周圍貼,有人郁手撕紙,更有人郁手郁腳郁人!琴晚就係油塘引發一場兩陣對峙,嘈足一晚,最後拉左兩個退休警員!

去到凌晨時分,係九龍灣又出現一個自稱飲醉酒既阿叔涉嫌先出手襲擊一名長者義工,再揮十數拳打一名守護義工,而義工則一直唔還手,被打到跌底:

「有冇煮過飯、有冇洗過碗?」自稱飲醉酒嘅男人繼續話:「我做乜都得,拮你兩刀都仲得」!係短短分半鐘左右,義工被拳擊13次!事件引發廣大市民怒吼!

據傳媒報道,事件中有一名被捕的46歲姓黃男子為的士司機,現正被扣留調查。而被打男子叫「阿麥」,係一名跆拳道黑帶,大學時代是跆拳道校隊隊長,佢之所以選擇捱打不還手,係因為:「大家都係為咗香港,不想任何人受傷,如果當時還手可能會傷及其他人。」而現場環境比較混亂,「唔係話避就避到,可能避會產生其他後果。」

至於現場無人幫手一說,阿麥指,一直有人出聲喝止,而且當時環境混亂,旁人可能不知所措,「佢已經向另一位伯伯施襲,大家驚都係正常。」雖然好多人話阿麥唔應該擋都唔擋,避都唔避,但阿麥真心為左成個運動而付出,亦深明武力不足以解決問題,謝謝你!小編心中的英雄!但大家記得,BE water呀!唔係人人都有阿麥既武功底子可以咁樣食人咁多拳家!唔好做傻事呀!

啦,人係拉左,但好多市民都覺得要密切監察住成件事係發展,仲有唔少人認為,應該要讓全港人都知道呢個阿叔做左D咩事,有關既街招海報長輩圖應運而生:

66578161_10156521682152399_3153900180302987264_o3

同場睇下油塘較早前情況⋯⋯幾個大漢圍一個青年