【高質】巴打發起將古人古事變「標題黨」引出高手來

係一個無聊嘅返工日子中,有咩可以為大家帶來一點生機?就係一個高質POST!呢D真係同粉紅色_頭一樣,可遇不可求!今日就有高登仔發起左一個結集歷史同中文之大成既POST,一個需要參加者既要有底蘊亦要有一定文字駕馭能力,同埋創意兼幽默感先可以參與其中的POST:[標題黨] 一齊入黎將古人古事變成現代報章標題: 發起人先黎一個李白過身一事黎拋磚引玉: 即時都引黎有人用屈原投江改作最易引人click入去睇既標題黨: 唔少由細聽到大嘅典故都有份出場,而小編暫時最鍾意都係12面金牌召岳飛:「愛國漢為國奪得12面金牌後猝死」; 愚公移山都唔差:「老翁抗議發展商收地緩慢全家掘山 警到場列傻人發現案」; 孔融讓梨變成咁:「小小兒童竟懂得讓梨給長兄!? 網暴動:我也想要這樣的弟弟!」; 孟母三遷有三個版本:「震驚!!!虎媽搬三次屋,竟然因為這個原因!」、「為了兒子學業,母親竟然先後三次做於此瘋狂行為」、「地方母親為愛兒三度搬家,誓要兒子出人頭地 」 睇呢個POST既人,少DD底蘊都隨時出事,就好似有網民用朱自清〈背影〉為題,真係會有人睇唔出係乜 火燒連環船就成為了一單突發新聞,雖然唔係標題,但仍然好好笑:突發:傍晚時分海上發生三級火,多艘相連木船被毀,警方稱火警起因有可疑 !,另有標題一條:「【赤壁恐襲】多首軍艦遭焚毀,極端組織蜀國承認責任 」 三顧草蘆:「青年人為創業不怕苦 三度拜訪名師求出山教路」 上知天文下知地理基本上無所不知嘅諸葛亮就成為左天文台主任:諸葛亮:赤壁及鄰近地方明日天氣預測,全日有雨,吹輕微西風或無風,火災危險性極低 。 鑿壁偷光:「少年鑿穿家中牆壁 涉嫌偷窺被捕帶署調查」、「清晨警方拘捕一名男子涉鑿牆偷光 」 司馬光砸缸:「涉嫌故意毀壞食水缸 數名街童被捕帶署  少年:「我只是想救人」 … Continue reading 【高質】巴打發起將古人古事變「標題黨」引出高手來