【裸體圍裙】肥腩雷神「Soft Thor」爆紅

《復仇者聯盟:終局之戰》上映第3星期,要睇嘅都睇晒,要劇透嘅都劇透晒,大家對呢齣大作印象最深刻又係邊part呢? 係美國隊長拎起雷神槌? 定係「I am Iron Man」同「I love you 3000」? 好多人就鍾意「本Pair」做肥宅嘅雷神Thor喇,貪佢一身好似雪糕溶咗咁嘅肌(肥)肉夠得意,重同佢改花名叫”Soft Thor”添! 更加有外國網友二創Soft Thor同人漫,希望宣揚一種可愛、正面看待任何身形的信息;迅即被瘋傳之餘更加出埋背心! 著住呢件背心做Gym,真係夠晒頂癮;唔知可唔可以推到依然爆肌嘅Chris Hemsworth真人著上身呢?