【尷尬癌】對白、表情錯晒!一個中文廣告打殘男神「洛基」!

有家底、讀到書、唱歌、跳舞、演戲、談戀愛、搞笑10項全能、被公認為男神嘅「洛基」-湯姆希德斯頓(Tom Hiddleston)呢排因為一個廣告而再次被人瘋傳,係因為嚇親大家!!搞到有人疑問佢係咪撈唔掂所以乜JOB都接?

話說,呢個係一個女友視覺廣告,又話說呢個係一個中文廣告⋯⋯Tom Hiddleston明明演的是暖男,但就對著鏡頭露出詭異的微笑;明明話自己早收返黎煮早餐,轉頭又出門口;明明女友好sweet咁幫佢整領口,但表情就尷尬異常!小編睇落完全是為左氹女落疊既唔專業牛郎,又或者係充滿背叛即將分手既男朋友⋯總之感覺好生疏⋯最頂癮係突然間殺出一句中文⋯⋯

終於知係賣咩既廣告⋯⋯但關咩事?不停開工果個係「洛基」,瞓醒就有得食既係個女友,但食產品果個又係女友,但「洛基」出場其實做乜野?湯姆的全球粉絲瘋狂討論,因為頂唔順,大家覺得由份九唔搭八嘅早餐、「洛基」經常流露尷尬嘅表情、唔知想點既對白、劇情⋯⋯都係錯晒!外國媒體甚至係英國的BBC新聞報導了一篇「解釋湯姆希德斯頓奇怪廣告真的有經濟效應」的財經新聞⋯⋯

但中國FANS就好受落呀,可能就係咁,中target啦

238234cc30b849d4ac7aafc78cae694c 35687ae96aed4b08a26af1a6d6e9785c