【回應了】黃心穎:對不起大家 馬明:唔好嚇親我屋企人

「安心偷食」事件爆發後第二,女主角黃心穎終於上水,係IG發聲,內容都係對唔住大家,而係5點幾嘅時候,係TVB開緊工嘅馬國明都出黎扑咪,親自面對大家!

黃心穎IG,而留言就當然係繼續關閉:

9

馬國明親見傳媒,除左叫大家唔洗擔心自己外,佢亦代心穎講咗少少嘢,馬明指心穎已知錯,但公司怕佢情緒唔穩定講錯嘢,所以冇安排佢出嚟,又話心穎仲好年輕,未來仲有好多路要去面對同行,希望大家俾啲空間佢,同埋唔好嚇親大家既屋企人:

馬國明全文:「呢件事知咗後好快冇嬲嘅感覺,好平靜,好快變成擔心,因唔想涉及嘅人受傷害,可能我唯一可以代佢講少少嘢,我知佢知自己錯,好想出嚟同大家講,但公司怕佢情緒唔穩定講錯嘢,所以冇安排佢出嚟,亦知佢剛喺社交媒體佢想講嘅嘢,佢亦講咗啦,我只可以話佢仲係好年輕,未來仲有好多路要去面對同行,希望大家俾啲空間佢,至於我,唔使擔心我,我嚟緊會好專心工作,拍好我嘅戲,依家係開緊工,唔希望影響劇嘅進度….至於,其實安仔自己都講咗嘢啦,安仔講咗我唔會發表任何意見,因我覺得呢個世界冇人有資格去發言,除咗安仔太太外,大家都冇資格發言,希望事件盡快平息就算。
最後想交待,有媒體訪問我屋企人,希望高抬貴手,爹哋媽咪都唔係呢個圈嘅人,你知大家傳媒會引導想要答案,媽咪見咁多咪係會驚,會講錯嘢,唔好將媽咪嘅說話放大佢,佢講任何一句說話,佢可能係喺好驚嘅情況下講,唔好放大,我亦唔會就佢講任何一句說話回應,唔好嚇親我屋企人,佢哋唔係圈內人,唔係好知點,好驚好唔慣,冇咩交代,係咁多….我會好專心工作,大家高抬貴手,唔好將件事發酵,令更多人受傷害,我信依家已好多人受傷害,希望件事盡快平息同過去。」

 

 

睇下唔同男人面對傳媒時係咩樣: