【絕】大台開LIVE訪問馬明媽媽:馬明係屋企睇緊波⋯⋯

大台繼上次係醫院開LIVE等余丞德醫院情況被網民鬧爆之後,今日「安心偷食」又再引黎網民爆插,因為今次係開LIVE訪問馬國明媽媽:問佢知唔知「準新抱」偷食?仲即場比條偷食片馬媽媽睇⋯⋯行事作風絕到呢!竟然係問人媽媽!!

57013471_2321076838217419_6647830524838543360_n

事源「安心偷食」爆出黎之後,成班記者包括大台娛樂新聞台都有派人守喺馬國明屋企樓下,馬明就未見到,但馬明媽媽就岩岩落樓,即時被傳媒追訪,問道是否得知「準新抱」偷食時,馬媽媽就一臉愕然⋯⋯「我唔明喎,唔係好清楚呢啲嘢。(今日有冇睇新聞?)冇。(心穎俾影到……)喺度睇?冇真係冇。(而家知道呢件事會唔會好愕然?)……,馬媽媽苦笑而不答。」

CmGPRzGLgdljSiYnTxCgWxCorPzYBvTpE9CFexPQhXs

大台娛樂新聞台林子博追問兒子和心穎感情關係,馬媽媽就話好耐無見心穎,新年有嚟拜年,拜年之後就少啲見。

馬媽媽指自己平日愛打麻雀,無留意報道亦唔識得上網睇新聞,對於馬明嘅感情事不會過問。對於馬明同心穎,馬媽媽話兩人拍拖以來從沒有過問,見過心穎三至四次,多數是家人食飯的聚會,至於印象就普通啦:「唔會唔鍾意,又唔會話好鍾意,我好少問,知娛樂圈好煩,佢大個仔,結婚就會講我知。」問到會否對心穎感到失望?她說:「呢啲事由佢哋自己搞啦!」而馬明當時就仲喺屋企睇波,晏D要開工。

馬媽媽反問記者:「同邊個話?(許志安。)許志安?許志安唔係…(係呀,Sammi老公。)鄭秀文老公?(佢哋合唱過?你有冇睇?)冇喎,真係冇。」之後馬媽媽收到馬國明來電,叫佢唔好答啦⋯⋯

沒有再_ _ 只有更_ _!連同事媽媽都唔放過!網民講得岩,你係要問都問黃心穎媽媽呀!搞埋馬明媽媽,真係呢!大台好野!消費自己人一流!

馬國明放假一日吧

圖:bigbig channel