【順應民意】Kumamon部長正名為熊本熊 唔再叫「酷MA萌」

相信大家對嚟自熊本縣吉祥物部長Kumamon-熊本熊,都好熟悉啦!外表QQ呆呆嘅熊本熊,行為唔正經,搞笑、搞事、調皮、搗蛋⋯⋯有時仲賤賤格,不過正因為咁令佢擄獲一眾人心,世界各地都有FANS!據日本銀行估計,Kumamon推出頭兩年就帶嚟1,232億円(約86億港幣)收入,單係2018年度,Kumamon喺日本國內外銷售額更達到1505億円(約106億港幣)。
collage

不過原來2013年時,官方想Kumamon嘅中文名正名為「酷MA萌」,因為同日文本身發音相似,有帥氣同可愛嘅意思。大部分fans都仍然叫佢做「熊本熊」,對真名「酷MA萌」好唔受落之餘仲有D抗拒。最終熊本縣政府近日宣布,為咗突顯Kumamon「くまモン」係熊本縣嘅吉祥物,會將Kumamon喺內地、香港、台灣等地區嘅中文名「酷MA萌」改為「熊本熊」。熊本縣已經為「熊本熊」呢個名申請咗註冊商標,預定會喺3月19日開始改名。

一齊睇下熊本熊D爆笑行為
 

 

2013年仲試過喺日皇面前表演「Kumamon體操」,皇后仲問過「請問Kumamon只有一隻嗎?」
皇后咁問,應該係因為「熊本熊」嘅行為一直都好一致!而官方答案就係:「Kumamon就是Kumamon。」!