【裸去囉!】見自己裸照被上網拍賣 Sia 話:唔好益佢啦!

藝人、裸照,呢兩組字,你諗起啲乜?

第一個諗嘅係咪某一位女藝人?

一直以嚟,都唔止一個人,好多地區唔同嘅女藝人都有被人恐嚇,

又或者被流出裸照,而多數女藝人一係會回應「假架!」,

一係就唔知點解要道歉(有無人介紹番點解要?)。

有啲女藝人,唔止於受害者嘅角色,反而奮力對抗,就好似 Sia 咁。

嚟自澳洲嘅歌手 Sia,比較多人認識嘅係佢喺 2014 年嘅作品 Chandelier (水晶吊燈):

有狗仔隊喺網上手梗 Sia 嘅裸照拍賣,佢仲話:出高價嘅得主就可以得到無碼嘅版本,

另外仲會有 14 張 Sia 嘅相一併送比買家。

Sia 聽到之後,尋日就發咗個 Twitter 帖:

 

翻譯:「明顯地,有人嘗試向粉絲兜售我嘅裸照。我想同大家講慳留啲錢啦,我嘅裸照放喺度,免費益大家。(祝大家)每日都係聖誕節!」

Sia 張高清裸照就唔 UP 全相比大家啦,實際上,講上載 Sia 都無權咁做,

無他嘅,張裸照嘅版權係個狗仔隊所有架嘛!(聽落好痴線係咪?)

 

呀,順帶一提,最後嗰句 Everyday is Christmas (每日都係聖誕節)係 Sia 嚟梗會推出嘅聖誕專輯,

反抗,順手做埋正經嘢(宣傳),呢個簡短回應,真係好贏。

 

Via news.com.au

cover pic via digboston

贏哂!

【比我抖下得唔得】3D 唔夠,仲要有 4D?雷神演員真人做一場比你睇!

thor