【巧打意呀】天然呆六角恐龍反應超治癒

呢條「六角恐龍」正式學名叫墨西哥鈍口螈,唔好睇佢傻傻更更咁,其實佢地好勁架。
佢地擁有再生能力,係年幼時即使手腳斷咗都可以再生,據說連器官(好似腦部咁)都可以重新,可惜呢個技能會隨住長大變弱。

另外佢地其實係水棲型嘅兩棲類,即使長大之後都唔會變態,依然保持呢個娃娃樣同係水生活。
六條鬚其實係鰓嚟架,因為佈滿血管所以呈現紅色,亦都會隨住食物而改變。
有經驗而又人工生態之下,佢地有機會可以因為人工方法而變態,變成用肺呼吸嘅陸上生物,不過呢個方法好難成功,如果處理唔好佢地會變得短命,最壞打算係變態過程已經死亡,所以係自然情況下可以變態嘅其實好稀有。

雖然佢地好得意,但由於原棲地被大量開發,可以生活面積不多於10平方公里。目前原生種係IUCN紅色名錄內被評為極危物種。


雖然好殘忍,但都好想破壞一下大家FF緊嘅事實。

其實如果用人工強逼佢地變態的話就會成為陸棲嘅墨西哥蠑螈。

睇完太大落差個心應該離一離,而且仲會好大打擊添。
依家睇返其他「巧打意」嘅動物們平衡一下啦!

【咁鬼狼死】叫你專心啲架啦

WOLF